ក្លិបមួយនៅលីកកំពូលថៃ គឺ​​ក្លឹប Chonburi ចាប់​អារម្មណ៍​​ចង់​បាន​ខែ្សបម្រើ ច្រឹង ពលរដ្ឋ

កាល​ពី​ម្សិលមិញ​នេះ ​មាន​ដំណឹង​ពី​ប្រទេស​ថៃ​មក​ថា ក្លឹប Chonburi ​ទាក់ទង​ចង់​បាន ច្រឹង ពលរដ្ឋ ​របស់​កម្ពុជា​នៅ​លេង​នៅ​លីគ​ថៃ។ ដោយ​ឡែក​លោក ខូវ ឆាយ ​អ្នក​ចាត់ការ​ក្លឹប​ក្រសួង​ការពារ​ជាតិ​ក៏​បង្ហើប​ថា​វា​ជា​រឿង​ពិត ប៉ុន្តែ​មិនមែន​មាន​តែ​ក្លឹប​នៅ​ថៃ​ទេ សូម្បី​តែ​នៅ​សិង្ហបុរី​ក៏​មាន​ទាក់ទង​មក​ដែរ។យោងតាមសារព័ត៌មាន Thsports បានរាយការណ៍ថា នាយកបចេ្ចកទេសរបស់ក្លិប Chonburi លោកWithaya Laohakul បានបង្ហើបឲ្យដឹងថា លោកបានទៅទស្សនាការលេងរបស់ ច្រឹង ពលរដ្ឋ អំឡុងព្រឹត្ដិការណ៍កីឡា SEA Games​ឆ្នាំ២០១៧ នេះ។​
យ៉ាងណាមិញ ប្រធានក្លិបក្រសួងការពារជាតិ លោក ខូវ ឆាយ បានថ្លែងប្រាប់ទំព័រ TheMorning ឲ្យបានដឹងផងដែរថា រូបលោកបានជួបជាមួយក្លិប កំពូលរបស់ថៃនេះរួចហើយ ដើម្បីធើ្វការពិភាក្សាទាក់ទងទៅនឹង អនាគតរបស់កីឡាករវ័យក្មេងនេះ។
«ពួកយើងទើបតែជួបពិភាក្សាជាមួយ គ្រូបង្វឹករបស់ពួកគេជាធម្មតាប៉ុណ្ណោះ ប៉ុន្ដែមិនទាន់សម្រេចអ្វីមួយនៅឡើយទេ ហើយយើងនឹងចាំមើលជាបន្ដទៀត»។

ខាងក្លិប Chonburi FC និយាយ។ ចំណែកឯលោក ខូវ ឆាយ របស់ក្រុមក្រសួងការពារជាតិវិញ បាននិយាយថា៖ «ពួកគេនឹងផ្ដល់ព័ត៌មានបន្ថែម នៅពេលដែលពួកគេសម្រេចយក ពលរដ្ឋ។ ពេលនេះ ពួកគេគ្រាន់តែបង្ហាញពីការចាប់អារម្មណ៍ប៉ុណ្ណោះ»៕

អ្នក​ចាត់ការ​ក្រុម​ទ័ព​ខាង​លើ​បញ្ជាក់​បន្ថែម​ថា​ក្រុម​របស់​លោក​គ្មាន​បំណង​ចង់​ទុក​កីឡាករ​ណា​ម្នាក់​មិន​ឱ្យ​ចេញ​ទៅ​ក្រៅ​នោះ​ទេ។ផ្ទុយ​ទៅ​វិញ ​មាន​តែ​ជំរុញ​ថែម ​ដើម្បី​ឱ្យ​ពួកគេ​បាន​រៀន​សូត្រ​អ្វី​ដែល​ថ្មី​នៅ​ទី​នោះ ​និង​មក​ជួយ​បាល់ទាត់​កម្ពុជា​វិញ​នៅ​ថ្ងៃ​អនាគត។

ពលរដ្ឋ ​ជា​យុវជន​ឆ្នើម​ម្នាក់​របស់​កម្ពុជា ​ហើយ​តែងតែ​បំពេញ​តួនាទី​ជា​ខ្សែ​បម្រើ​បាន​ល្អ​ក្នុង​ការ​ប្រកួត​នៅ​លីគ​កម្ពុជា​នា​ពេល​កន្លង​មក។ កីឡាករ​ពូកែ​លេង​សើច​ម្នាក់​នេះ ​ត្រូវ​បាន​គ្រូ​បង្វឹក​នានា​មើល​ឃើញ​ថា​អាច​នឹង​មាន​អនាគត​ល្អ​នា​ពេល​អនាគត ប្រសិន​បើ​រូបគេ​ព្យាយាម​ហ្វឹកហាត់​បន្ថែម​ទៀត៕