FIFA Ranking៖ ជាលើកដំបូងក្នុងប្រវត្តិសាស្រ្តក្រុមជម្រើសជាតិកម្ពុជា ឡើងមកឈរលើ ម៉ាឡេស៊ី សម្រាប់ខែវិច្ឆិកានេះ

 

ក្រុមបាល់ទាត់ជម្រើសជាតិកម្ពុជា បានបន្តឈរនៅចំណាត់ថ្នាក់លេខរៀងទី ១៧០ ដដែល នៃតារាងចំណាត់ថ្នាក់របស់ក្រុមជម្រើសជាតិនៅលើពិភពលោក ( FIFA RANKING ) តែមាន ៩៨ ពិន្ទុក្នុងដៃ បើគិតត្រឹមថ្ងៃទី ២៣ ខែ វិច្ឆិកា ឆ្នាំ ២០១៧ នេះ។

តាមការបន្ទាន់សម័យកាល ( Update ) ដដែលនេះ ដែលចេញដោយសហព័ន្ធកីឡាបាល់ទាត់ពិភពលោកហៅកាត់ថា ( FIFA ) នៅលើវិបសាយ FIFA.com មុននេះបន្តិច កម្ពុជាស្ថិតនៅចំណាត់ថ្នាក់លេខរៀងទី ១៧០ នៃតារាងចំណាត់ថ្នាក់ពិភពលោក និងនៅលេខរៀងទី ៣៤ ប្រចាំទ្វីបអាស៊ី និងបានឡើងមកឈរនៅលេខរៀងទី ៧ ប្រចាំតំបន់អាស៊ីអាគ្នេយ៍ រួមទាំងឡើងមកឈរពីលើ ក្រុមជម្រើសជាតិម៉ាឡេស៊ី ជាលើកដំបូងក្នុងប្រវត្តិសាស្រ្ត ចាប់តាំងបានក្លាយជាសមាជិកនៃសហព័ន្ធកីឡាបាល់ទាត់ពិភពលោកមក។

សម្រាប់ក្រុមកំពូលទាំង ១០ មិនមានការប្រែប្រួលបន្តិចបន្តួច ដោយអាល្លឺម៉ង នៅលេខ១ ប្រេស៊ីល នៅលេខ២ និងព័រទុយហ្កាល់ ឈរនៅលេខ៣ អាហ្សង់ទីន នៅលេខ៤ និងប៊ែលហ្សិក នៅលេខ៥ដដែល ប៉ុន្តែអេស៉្បាញ ឡើងមកលេខ៦ ខណៈប៉ូឡូញ ធ្លាក់មកលេខ៧ ស្វីសឡើងមកលេខ៨ ស្របពេលដែលបារាំង ធ្លាក់មកលេខ៩ រួមទាំង ឈីលី នៅលេខ១០៕

ខាងក្រោមគឺជាតារាងចំណាត់ថ្នាក់ និងតារាងពិន្ទុរបស់ក្រុមជម្រើសជាតិកម្ពុជាសម្រាប់ខែវិច្ឆិកានេះ៖

ខាងក្រោមគឺជាតារាងចំណាត់ថ្នាក់ និងតារាងពិន្ទុសម្រាប់ក្រុមកំពូលទាំង ១០៖